 by Tingguian.Com/February 14, 2011
Bangued – Pinutokan dagiti saan pay laeng a nabigbig nga suspects ti maysa a Ford Trekker pickup agarup alas 5:40 ti malem ti February 13, 2011.
Ti nasao a lugan nga addaan iti plaka a NIC 10 ti pinaputokan dagiti suspects a naglugan iti Honda XRM Blue iti Mckinley ken Capitulacion Sts., Zone 1, Bangued.
Ti lugan ket naammuan a kukua ni Zone 5 Brgy. Capt. Dominic Valera, ama ni Rep. Ma. Jocelyn V. Bernos.
Naammuan pay manipud iti Bangued MPS a ti lugan ket minaneho ni Jun Tandingan Balubar ken adda uppat a kaduana a nainaganan a da Reggie Bodonia TIMBREZA, 25-anyos ken naed iti Barangay Kimmalaba, Dolores, Abra; Marvin Dolor TULLAS, 28 – anyos a residente ti Barangay Poblacion, Lapaz, Abra; Jerome Cabais BANDAYREL, 23 – anyos, ken Maya Floresca Blando BORJA, 21 -anyos, agpada a residente of Zone 5, Bangued, Abra.
Awan met nadangran kadagiti lima a naglugan iti nasao a pickup idi mapasamak ti pammaltog.
Nupay kasta, natamaan iti bala ti akinlikud a paset ti lugan kasta met ti bubong ken side mirror daytoy.
Dagus a nakalibas dagiti suspect nupay nangisayangkat iti dragnet operation dagiti otoridad. Naala dagiti kameng ti Scene of the Crime Operatives (SOCO), ti uppat a basyo ti bala ti cal. 45 ken maysa a buli iti uneg ti lugan.
Madama ti imbestigasion ti PNP iti nasao a pasamak.
|
Log in Zone
Statistics
User's registered...
Last year: 0
Birthday(s):
